’’عمران ہمیشہ جوڑنےکی بات کریں گے‘‘

سابق بھارتی کرکٹر نوجوت سنگھ سدھو نے عمران خان کو بہترین لیڈر قرار دیتے ہوئے کہا ہے کہ وہ ہمیشہ جوڑنےکی بات کریں گے۔

نوجوت سنگھ سدھو بھی عمران خان کے فین نکلے، انہوں نے اپنے پیغام میں عمران خان کیلئے نیک خواہشات کا اظہار کرتے ہوئے کہا کہ عمران سسٹم کو کچھ دینے آئے ہیں لینے نہیں، وہ پاکستان کی ڈوبتی معیشت کو بچائیں گے۔

سدھو کا کہنا ہے کہ عمران خان مشکل وقت میں کسی کو قربانی کا بکرا نہیں بنائیں گے، وہ ہمیشہ جوڑنےکی بات کریں گے توڑنے کی نہیں۔