پی آئی اے کی پرواز میں مسافر انتقال کرگیا

ٹورنٹو سے کراچی جانے والی پاکستانی ایئر لائن کی پرواز پی کے 784 میں مسافر انتقال کرگیا۔

ترجمان پی آئی اے کے مطابق عبدالسراج نامی مسافر کی وفات دوران پرواز دل کا دورہ پڑنے کے باعث ہوئی، 70 سال کے مسافر کو طیارے میں ابتدائی طبی امداد دی گئی تھی۔

ترجمان پی آئی اے نے مسافر عبدالسراج کے اہل خانہ سے تعزیت کا اظہار کیا ہے اور کہا ہے کہ عبدالسراج کی لاش ورثاء کے حوالے کر دی گئی ہے۔