تمام حکومتیں آزادیٔ صحافت کو یقینی بنائیں، سیکریٹری جنرل اقوام متحدہ

اقوام متحدہ / ایجنسیاں

اقوام متحدہ کے سیکریٹری جنرل انتونیو گوتریس کا کہنا ہے کہ تمام حکومتیں امن و انصاف اور انسانی حقوق کے لیے آزادیٔ صحافت کو یقینی بنائیں۔

آزادی صحافت کے عالمی دن کے موقع پر ایک بیان کے ذریعے سیکریٹری جنرل اقوام متحدہ انتونیو گوتریس نے اپنا پیغام جاری کیا ہے۔

انہوں نے کہا ہے کہ صحافی اور میڈیا ورکرز لوگوں تک ہمارا پیغام پہنچانے میں اہم مددگار ہیں، میڈیا ہی سے غلط معلومات کی روک تھام، اس کے سدباب اور مستند اطلاعات کی ترسیل ممکن ہوتی ہے۔

سیکریٹری جنرل اقوام متحدہ کا مزید کہنا ہے کہ کورونا وائرس کی وباء کے دوران اور اس کے بعد بھی صحافتی ذمے داریاں پوری کرنے میں صحافیوں کی مدد کی جائے۔

انتونیو گوتریس کا یہ بھی کہنا ہے کہ حقائق، درست معلومات اور سچائی کا پرچار کرنے پر میڈیا کے شکر گزار ہیں۔