کٹھمنڈو میں آنکھوں میں جلن والی فضائی آلودگی ایمرجنسی کی سطح پر پہنچ گئی

ماہرین کہتے ہیں - کورونا متاثرین کو زیادہ خطرہ

کٹھمنڈو/ کئیر خبر
پیر کو وادی کٹھمنڈو میں سورج نہیں نکلا تھا اور آج منگل کو بھی دھوپ ندارد ہے ۔ کل بہت سارے لوگوں نے اپنی آنکھوں سے خوب پانی بہایا۔ بہت سے لوگ جو شام کے وقت باہر نکلے وہ آنکھوں میں درد کی شکایت لیکر لوٹے۔

ڈاکٹروں کے مطابق اس کی وجہ فضائی آلودگی ہے۔

حکومت نیپال کے محکمہ موسمیات کے سابق سکریٹری۔ رشی رام شرما کا کہنا ہے کہ وادی کٹھمنڈو میں کم سے کم درجہ حرارت مغربی ہواؤں کے اثر کی وجہ سے بڑھا ہے اور کل کے مقابلے میں ہوا زیادہ آلودہ ہے۔

ماہر موسمیات شرما کے بیان کی تصدیق وزارت جنگلات اور ماحولیات کے تحت محکمہ ماحولیات کے اعدادوشمار سے ہوتی ہے۔ بھینسی پاٹی، کٹھمنڈو کا ایئر کوالٹی انڈیکس (AQI) پیر کی شام 403 تھا۔ یہ پچھلے دن کے بہ نسبت دوگنا سے بھی زیادہ ہے۔

محکمہ ماحولیات کے مطابق ، اتوار کے روزبھینسی پاٹی کا اے کیو 173 تھا۔ 24 گھنٹوں میں ، ہوا کا معیار 200 فیصد سے زیادہ خراب ہوا ہے۔

دنیا کا نمبر ون سب سے آلودہ شہر

پیر کے روز ، کھٹمنڈو میں فضائی آلودگی دنیا میں پہلے نمبر پر آگئی۔ AQIR ، جو صدر دفتر سوئٹزرلینڈ میں ہے ، پیر کی صبح 7.45 بجے کھٹمنڈو میں AQI 487 پہنچا۔

صبح کے وقت کھٹمنڈو پہلے نمبر پر پہنچا ، اس وقت ، کرغزستان کا بشکیک 296 ایکیوآئ کے ساتھ دوسرے اور ویتنام کا ہنوئی 241 کے ساتھ تیسرے نمبر پر تھا۔

صحت عامہ کا بحران

پچھلے سال ، دہلی حکومت نے ہندوستان میں 50 لاکھ ماسک تقسیم کیے تھے۔ ماسک اپنے عوام کو ہوا کی آلودگی سے بچانے کے لئے تھے ، کورونا وائرس سے بچنے کے لئے نہیں تھے۔ ضرورت سے زیادہ فضائی آلودگی کے باعث دہلی حکومت نے پبلک ہیلتھ ایمرجنسی کا اعلان کیا۔

نیپال حکومت نے وادی کے لئے ایئر کوالٹی مینجمنٹ ایکشن پلان میں فضائی آلودگی کی ہنگامی صورتحال کا بھی انتظام کیا ہے۔ لیکن متعلقہ محکمہ کنبھ کرنی کی نیند سو رہا ہے- حکومت کو اپنے عوام کی صحت کی کوئی فکر نہیں-