وادی کٹھمنڈو میں جاری لاک ڈاؤن میں ایک ہفتہ کی توسیع ۳ جون تک / کرانہ کی دکانیں بھی رہیں گی بند

کٹھمنڈو/ کییر خبر

وادی کٹھمنڈو میں مقامی انتظامیہ نے کوویڈ 19 انفیکشن پر قابو پانے کے لئے جاری لاک ڈاؤن کو مزید ایک ہفتہ بڑھانے کا فیصلہ کیا ہے۔

کٹھمنڈو ، للت پور اور بھکتا پور کے چیف ڈسٹرکٹ افسران (سی ڈی اوز) کے ایک اجلاس میں لاک ڈاؤن میں ایک ہفتے کی توسیع کرنے کا فیصلہ کیا گیا ہے کیونکہ چار ہفتہ قبل نافذ لاک ڈاؤن سے کٹھمنڈو میں کورونا انفیکشن کی شرح میں خاطر خواہ کمی نہیں آئی ہے۔ . بھکتا پور ضلع کے سی ڈی او ، پریم پرساد بھٹرائ کے مطابق ، لاک ڈاؤن  3 جون کی آدھی رات تک برقرار رہیں گے۔

سی ڈی او بھٹارائی کے مطابق ، منگل کے روز ہونے والے اجلاس میں لاک ڈاؤن کو مزید سخت کرنے کا فیصلہ کیا گیا ہے   اس مدت کے دوران کرانہ کی دکانوں اور ڈیپارٹمنٹل اسٹوروں کو بھی کھولنے کی اجازت نہیں ہوگی۔ "صرف دوائی ، دودھ ، سبزیاں اور کھانے پینے کی اشیا فروخت کرنے والوں کو صبح 9 بجے تک دکانیں کھولنے کی اجازت ہوگی۔”