نیپال : آئندہ دو سالوں میں ضلع دیلیخ میں پٹرولیم مصنوعات کی کھدائی اور اسٹوریج شروع کرنے کا منصوبہ

کاٹھمانڈو/ کیئر خبر

حکومت آئندہ دو سالوں کے دوران دیلیخ میں پٹرولیم مصنوعات کی کھدائی اور اسٹوریج شروع کرنے کا منصوبہ بنا رہی ہے۔

وزیر خزانہ بشنو پرساد پوڈیل نے بجٹ کا اعلان کرتے ہوئے کہا کہ پٹرولیم مصنوعات کی کھدائی کے لئے ضروری بجٹ مختص کیا گیا ہے۔

حکومت دیلیخ میں پٹرولیم مصنوعات کی تلاش کررہی ہے ، لیکن اپریل ۲۰۲۰ میں چینی ٹیم کی کورونا انفیکشن کے پھیلاؤ کے بعد اسے روک دیا گیا تھا۔

چینی ٹیم نے بتایا کہ دایلیخ کے شری استھان ، نبھیستھان اور پڈوکا میں لپکتے شعلے پیٹرولیم مصنوعات ہی ہیں ۔

ٹیم نے فزیبلٹی اسٹڈی کا پہلا مرحلہ اور ڈرل مشینوں کے ذریعہ ریسرچ کا دوسرا مرحلہ مکمل کرلیا ہے۔ ضلعی رابطہ کمیٹی ، دایلیخ کے سربراہ ، پریم تھاپا  نے دیلیخ میں پٹرول کی کھدائی کو ترجیح دینے پر حکومت کا شکریہ ادا کیا۔

انہوں نے کہا کہ اب جب حکومت نے پٹرولیم مصنوعات کی کھدائی کو اعلی ترجیح دی ہے تو ، امید ہے کہ دیلیخ میں معاشی ترقی کی سرگرمیاں بڑھیں گی اور عوام کی معاشی ترقی اور ضلع کے روشن مستقبل ثابت ہوں گے۔

انہوں نے یہ بھی کہا کہ ابدی جلتے شعلے  اب پیٹرولیم مصنوعات کے ذخیرے میں تبدیل ہوجائیں گے اور نیپال کے نقشے پر دیلیخ کا ذکر ایک نئی شکل میں ہوگا۔