نیپال: پانی کا بلبلا ثابت ہوا شہریت آرڈیننس؛ سپریم کورٹ نے اسکی تنفیذ پر روک لگادی

كاٹھمانڈو/ کئیر خبر
سپریم کورٹ نے حکومت کے نام پر شہریت سے متعلق آرڈیننس پر عمل درآمد نہ کرنے کا عبوری حکم جاری کیا ہے۔

عدالت عظمی نے یہ حکم نامہ حکومت کے فیصلے کے خلاف دائر رٹ درخواستوں پر ابتدائی سماعت کے بعد جاری کیا۔ چیف جسٹس چولیندرشمشیر کی سربراہی میں پانچ رکنی آئینی بنچ نے یہ حکم جاری کیا کہ حکومت پارلیمنٹ کے ذریعہ تائید شدہ شہریت ایکٹ پر مبنی شہریت کے سرٹیفکیٹ تقسیم کرنے کے لئے ضروری انتظامات کرے۔

کابینہ کی سفارش پر 23 مئی کو صدر بیدیا دیوی بھنڈاری کے ذریعہ جاری آرڈیننس کو چیلنج کرتے ہوئے سپریم کورٹ میں چھ سے زیادہ پٹیشنیں درج کی گئیں۔

چیف جسٹس رانا نے جسسٹس دیپک کمار کارکی ، میرا کھڈکا ، ہری کرشنا کارکی اور ایشور پرساد کھاتی واڑا پر مشتمل پانچ رکنی آئینی بنچ تشکیل دیا تھا۔

درخواست گزاروں نے سپریم کورٹ سے آرڈیننس کو برخاست کرنے کا مطالبہ کیا کیونکہ یہ نیپال کے آئین سے متصادم ہے۔ تاہم ، حکومت نے آئین میں مذکور دفعات کو پورا کرنے کے لئے اس آرڈیننس کا قانونی اساس کے طور پر دفاع کیا۔
مذکورہ آرڈیننس میں ٢٠١٣ سے پہلے نیپال میں پیدائش کے آدھار پر جن لوگوں نے شہریت لی ہے اب ان کے بچوں کو ونشج یعنی نمبر ایک شہری کا سرٹیفکیٹ جاری کیا جائے –