نیپال: سیلاب اور لینڈ سلائیڈنگ سے بھاری تباہی/ پندرہ افراد ہلاک

کٹھمنڈو/ کئیر خبر
پچھلے چار دنوں میں ملک نیپال میں آنے والے سیلاب اور لینڈ سلائیڈنگ سے پندرہ افراد ہلاک ہوچکے ہیں۔

وزارت داخلہ کے تحت نیشنل ایمرجنسی آپریشن سنٹر (این ای او سی) کے مطابق ، 14 سے 18 جون تک ملک کے مختلف مقامات پر لینڈ سلائیڈنگ اور سیلاب سے 15 افراد جانبحق ہوگئے۔ 25 افراد سیلاب میں لاپتہ ہوگئے ہیں جبکہ 11 افراد زخمی ہوئے ہیں۔

سندھوپالچوک کے سیلاب میں تین افراد اور سپتری ، کابھرےپلانچوک ، کاسکی ، ارگھاکھانچی ، گورکھا اور باجورہ میں ایک ایک شخص کے ہلاک ہونے کی اطلاعات ہیں۔

اسی طرح ، ڈوٹی میں تین اور پالپا ، کالیکوٹ اور جملہ میں ایک ایک شخص کو جان گنوانی پڑی ہے۔

اسی طرح مٹی کے تودے گرنے اور سیلاب سے 25 افراد لاپتہ ہوگئے ہیں۔

نیشنل ڈیزاسٹر رسک ریڈکشن اینڈ مینجمنٹ اتھارٹی کے ترجمان/ بیدنیدھی کھنال کے مطابق ، ملک کے 77 اضلاع میں سے 22 اضلاع مونسون سے متاثرہ سیلاب اور لینڈ سلائیڈنگ سے شدید متاثر ہوئے ہیں جبکہ دیگر 32 اضلاع میں معمولی اثر دیکھا گیا ہے۔

اسی طرح سیلاب اور لینڈ سلائیڈنگ کی وجہ سے 129 مکانات کو مکمل نقصان پہنچا ہے اور 114 مکانات کو جزوی نقصان پہنچا ہے۔