 |
 |
 |
 |
|
|
|
|
تامل ناڈو/ ايجنسى
بھارتی ریاست تامل ناڈو کے تروچیراپلی بین الاقوامی ہوائی اڈے پر 47 اژدھے اور دو چھپکلیوں کے ساتھ لینڈ کرنے والے مسافر کو پکڑ لیا گیا۔
کوالالمپور سے تریچی ایئرپورٹ پر اترنے والی فلائٹ میں ایک مسافر کے بیگ سے زندہ رینگنے والے جانور برآمد ہونے پر کسٹم حکام کی جانب سے مسافر کو گرفتار کر لیا گیا۔
میڈیا رپورٹس کے مطابق باٹک ایئر کی پرواز کے ذریعے تریچی ہوائی اڈے پر پہنچنے والے مسافر کو کسٹمز حکام نے جب روکا تو اس کے ٹرالی بیگ میں سے کچھ عجیب و غریب تھیلے برآمد ہوئے جن کی چھان بین کرنے پر معلوم ہوا کہ ان تھیلوں میں زندہ، چھپائے گئے مختلف اقسام اور سائز کے زندہ رینگنے والے جانور موجود ہیں۔
بھارتی میڈیا ’انڈیا ٹوڈے‘ کے مطابق ملزم کی شناخت محمد معیدین کے نام سے ہوئی ہے۔
میڈیا رپورٹس کے مطابق بھارتی محکمہ جنگلات نے رینگنے والے جانوروں کو واپس ملیشیا بھیجنے کے لیے کارروائی شروع کر دی ہے جبکہ کسٹم حکام کے زیرِ حراست ملزم معیدین سے پوچھ گچھ کا سلسلہ جاری ہے۔
آپ کی راۓ