گوگل نے جنسی ہراسانی میں ملوث افسران کو لاکھوں ڈالرز دیئے

 انٹرنیٹ ٹیکنالوجی کی سب سے بڑی کمپنی گوگل نے خواتین ملازمین کو جنسی طور پر ہراساں کرنے اور ان کے ساتھ جسمانی تعلقات استوار کرنے والے اعلیٰ افسران کو محفوظ راستہ دیا اور انہیں کمپنی چھوڑتے وقت لاکھوں ڈالرز کی رقم ادا کی جس کے خلاف گوگل ملازمین نے دنیا بھر میں اپنے دفاتر کے باہر مظاہرے کیے۔

میڈیارپورٹس میں بتایا گیا تھا کہ ’’اینڈرائڈ‘ ‘کے خالق اینڈی ربن، سینئر نائب صدر امت سنگھال اور گوگل کی سماجی تنظیم کیپٹل جی کے سربراہ ڈیوڈ ڈرومنڈ خواتین ملازمین کو جنسی طور پر ہراساں کرنے سمیت ان کے ساتھ جنسی تعلقات قائم کرنے میں ملوث پائے گئے،بعد ازاں گوگل کی جانب سے تحقیق کیے جانے کے بعد ان تینوں اعلیٰ افسران کو کمپنی چھوڑتے وقت لاکھوں ڈالر ادا کیے۔نیویارک ٹائمز کی رپورٹ میں یہ دعویٰ بھی کیا گیا تھا کہ گوگل کے شریک بانی سرگی برن بھی ایک شادی شدہ خاتون ملازم کے ساتھ جنسی تعلقات استوار کرنے میں ملوث پائے گئے۔