ہند۔ چین تنازعہ: لداخ کے ایک اور علاقے میں گھسی چینی فوج

لداخ / ایجنسیاں

ہندستان اور چین کے درمیان مشرقی لداخ کی گلوان وادی میں کشیدگی کو کم کرنے کی کوششیں مسلسل جاری ہیں۔ اس بیچ خبر ہے کہ لائن آف ایکچول کنٹرول کے شمال میں دیپ سانگ علاقے میں بھی چین کی فوج ہندستان کی سرحد میں گھس گئی ہے۔ ایسے میں کہا جا رہا ہے کہ دونوں ملکوں کے درمیان کشیدگی مزید بڑھ سکتی ہے۔

بتا دیں کہ 15 جون کو گلوان میں ہندستان کے 30 فوجی شہید ہو گئے تھے۔ جبکہ دعویٰ کیا جا رہا ہے کہ چین کے بھی 45 فوجیوں کو مار گرایا گیا تھا۔

یہ علاقہ دولت بیگ اولڈی کے اہم ہوائی پٹی سے جنوب۔ مشرق میں 30 کلومیٹر دور ہے۔ یہ ایک بوٹلنیک علاقہ ہے۔ یہاں اسے وائی۔ جنکشن بھی کہا جاتا ہے۔ اس کا 18 کلومیٹر کا علاقہ ہندستانی سرحد میں ہے۔