کٹھمنڈو میں پارہ صفر پر پہنچا’ موسم سرما کا ابتک سرد ترین دن

کٹھمنڈو / کئیر خبر

آج جمعرات کی صبح کم سے کم درجہ حرارت 0.8 ڈگری سینٹی گریڈ تک گرنے کے ساتھ ، وادی کٹھمنڈو میں موسم سرما کا سب سے سرد دن محسوس کیا گیا۔

محکمہ موسمیات کے مطابق ، جمعرات کے روز صبح 8 بجکر 45 منٹ پر وادی کٹھمنڈو میں کم سے کم درجہ حرارت 0.8 ڈگری سینٹی گریڈ رہا۔ صبح 5:45 بجے وادی کا کم سے کم درجہ حرارت 1.2 ڈگری سینٹی گریڈ رہا۔

محکمہ موسمیات نے بتایا کہ جملہ میں مائنس ساڑھے آٹھ ڈگری سینٹی گریڈ ریکارڈ کیا گیا ، جو ملک بھر میں سب سے کم درجہ حرارت ہے۔ اسی طرح ، دیپایل اور بیرندر نگر میں بالترتیب 0.4 ڈگری سینٹی گریڈ اور 1.9 ڈگری سینٹی گریڈ ریکارڈ کیا گیا۔

محکمہ نے بتایا کہ آنے والے دنوں میں پارا مزید پورے ملک میں گر جائے گا۔

اگرچہ آج صبح سویرے سے ہی دھوپ ہے ، ہڈیوں کو گلانے والی سردی نے معمولات زندگی کو متاثر کیا ہے۔ آج ترائ خطہ زبردست دھند اور کھرا کی لپیٹ میں ہے۔