نیپال: ڈھائی لاکھ سے زیادہ ڈاکٹروں اور نرسوں نے کورونا کا ٹیکہ لگوانے سے کیا انکار

کٹھمنڈو / کئیر خبر
نیپالی وزارت صحت کے مطابق ، حکومت نے ویکسینیشن مہم کے پہلے مرحلے میں کم از کم 430،000 کارکنوں کو کورونا سے بچاؤ کا ٹیکہ دینے کا منصوبہ بنایا۔ لیکن فرنٹ لائنز پر موجود ڈھائی لاکھ سے زیادہ افراد – ڈاکٹروں ، نرسوں ، اسپتال کے عملے ، صفائی کے کارکنان نے ویکسین کی تاثیر سے متعلق خدشات کے پیش نظر ویکسین لینے سے انکار کردیا ہے۔ کوویڈ 19 کے خلاف ملک بھر میں صرف 184،857 کارکنوں کو ٹیکے لگایے گئے۔ ڈاکٹروں کا کہنا ہے کہ ایسی متعدد وجوہات ہیں جن کی وجہ سے صحت کے کارکنان کوویڈ 19 کے ٹیکے لگانے سے انکار کرسکتے ہیں۔ اس کی ایک اہم وجہ یہ ہے کہ حکومت ویکسین کی تاثیر اور محفوظ ہونے کے بارے میں لوگوں کو آگاہ کرنے میں ناکام رہی ہے۔ بیرونی ممالک میں ویکسین لینے والے لوگوں کی ہلاکت کی خبریں ان کی حوصلہ شکنی کرتی ہیں۔ مزید یہ کہ نیپال کی حکومتی قیادت صدر ؛ وزیر اعظم ؛ وزراء و دیگر ذمہ داران نے کورونا کا ٹیکہ نہ لگواکر عوام کے درمیان شبہات کو جنم دیا ہے –