کٹھمنڈو میں قانون کی پڑھائی کرنے والی "دلت” طالبہ کو امتیازی سلوک کا سامنا

کٹھمنڈو/ کئیر خبر
قانون کی پڑھائی کرنے والی دلت طالبہ / کرونا وشوکرما کو دارالحکومت کٹھمنڈو میں اس وقت امتیازی سلوک کا نشانہ بنایا گیا جب اس نے دھپاسی محلہ میں کرایہ پر ایک فلیٹ تلاش کیا۔ معاملہ طے پاجانے کے بعد گھر مالک کو جب معلوم ہوا کہ اس کا تعلق "دلت” طبقے سے ہے ؛ گھر مالک نے فلیٹ دینے سے انکار کردیا- طالبہ نے پولیس میں شکایت درج کروائی۔ جہاں پولیس نے تفتیش شروع کردی ہے۔
یہ بات قابل غور ہے کہ نیپال میں "اچھوت” طبقہ کو ملک میں ذات پات کے نظام کی وجہ سے مسلسل اخراج سے دوچار کیا جاتا ہے ، جس کے نتیجے میں انسانی حقوق کی پامالیاں سامنے آتی رہتی ہیں۔ اس طبقے کو "دلت” کہا جاتا ہے ، اور یہ ایک ایسا گروہ ہے جسے طبقاتی نظام سے باہر کر دیا گیا ہے ، اور اسے انسانی حقوق کی تنظیموں کے مطابق ، دنیا کے سب سے سخت اور نسل پرستانہ معاملات میں سے ایک سمجھا جاتا ہے۔
اگرچہ ملک کے آئین نے "طبقاتی امتیاز” کو باضابطہ طور پر ختم کردیا ، لیکن "دلتوں” کے بیٹوں اور بیٹیوں کے ساتھ امتیازی سلوک اب بھی معاشرتی طبقاتی معیار کی بنیاد پر جاری ہے۔